Hindistanda veb-istifadəçilərin sayı 100 milyonu ötüb

Hindistanın İnternet-provayder və mobil rabitə operatorları assosiasiyasının (İAMAİ) hesablamalarına əsasən, ölkədə internet-istifadəçilərin sayı 100 milyonu ötüb.

Hal-hazırda şəbəkəyə 112 milyon hindistanlı daxil olur. Hər ay bu göstərici 5-7 milyon artır. Beləliklə, hal-hazırda Hindistan veb-istifadəçilərin sayına görə Çin və ABŞ-dan sonra üçüncü yeri tutur.

Analitiklər güman edirlər ki, yaxın 2 il ərzində Hindistan ABŞ-ı ötərək internet-istifadəçilərin sayına görə ikinci yerə çıxa bilər. Ölkə sakinlərinin pulsuz portativ kompyuterlərlə təmin edilməsi üzrə irihəcmli proqram buna imkan yaratmalıdır.

---