“Windows 7” sistemində texniki dəstək xidməti dayandırılacaq
“Microsoft” 2019-cu ilin aprelindən etibarən “Windows 7” sistemində texniki dəstək xidmətinin dayandırılması və “Windows 10” sisteminə keçid zərurəti haqqında bildirişlər göstərməyi planlaşdırır.
“ICTnews” Elektron Xəbər Xidməti “
Dailycomm.ru” saytına istinadən yazır ki, "gələn aydan etibarən “Windows 7” sisteminin idarəetməsi altında işləyən kompüterlərdə bildirişlər göstəriləcək" – “Microsoft”un rəsmi bloqunda korporasiyanın vitse-prezidenti Mett Barlou bu günlərdə yazıb.
Həmçinin Barlou deyib ki, 2019-cu ilin fevral-dekabr aylarında bildirişlər bir neçə dəfə göstəriləcək. Xatırladaq ki, “Microsoft” 14 yanvar 2020-ci il tarixində "Windows 7" sisteminin rəsmi dəstəyini dayandıracaq.
Emil Hüseynov