Stiv Cobsu tənqid etmiş ravvin “iPhone” və “iPad”-dan istifadə edir

Dünən kütləvi informasiya vasitələrində (KİV) getmiş məlumata əsasən, Böyük Britaniyanın əsas ravvini (yəhudi ruhanisi) və Lordlar Palatasının üzvü Conatan Saks “Apple” şirkətinin yaradıcısı Stiv Cobsun fəaliyyətini kəskin tənqid edib.

Lakin bu gün Lord Saksın rəsmi nümayəndələri bildiriblər ki, onun sözlərini yanlış izah ediblər və ravvin əslində “Apple” həmtəsisçisi və şirkətə qarşı deyil.

Bu barədə “AppleInsider” nəşri yazıb. İndi ravvin iddia edir ki, Stiv Cobsla fəxr edir və özü daim “iPhone” və “iPad”-dan istifadə edir. O, konkret məhsul və ya şəxsiyyəti günahlandırmayıb, bütövlükdə indiki cəmiyyəti ittiham edib.