Almaniya hökuməti tədris sistemindəki şəbəkələrə kiberhücumlar təşkil edəcək. 2 gün ərzində federal və regional dövlət idarələrinin kompyuterləri “haker” hücumlarına məruz qalacaq. Əməliyyat “Luekex 2011” adlanır və əməliyyatda 3 mindən çox məmur iştirak edəcək.
Məxfi informasiya təsadüfən cinayətkarların əlinə keçməsin deyə, əməliyyatın konkret detalları məxfi saxlanılır. Təlimlərə Milli Kibermüdafiə Mərkəzi, həmçinin xüsusi xidmət orqanları nəzarət edəcək.
Əməliyyatın hədəfi dövlət idarələrinin İT infrastrukturunda boşluqları aşkar etməkdir. Hakimiyyət “Luekex 2011” əməliyyatına təxminən 2 il hazırlanıb. Nəticələrin emalı 4 ay davam edəcək.