Azərbaycanın internet bazarı Asiya bazarının ümumi həcminin 0,4 faizini təşkil edir

İnternet İstifadəçilərinin Beynəlxalq Statistika Təşkilatı (İnternet World Stats) qlobal şəbəkənin istifadəçilərinin sayı ilə bağlı növbəti hesabatını dərc edib.
“İnternet World Stats”ın (IWS) yeni hesabatına görə, Azərbaycanda internet istifadəçilərinin sayı 3,689 milyon nəfərə çatır.
2011-ci ilin birinci yarısı üzrə vəziyyətə və iWS-in hesablamalarına görə, respublika üzrə internetə daxilolma səviyyəsi 44,1 faiz təşkil edir.
“İnternet World Stats”ın bundan əvvəlki (2010-cu il) hesabatında Azərbaycanda internet istifadəçilərinin sayı 3,69 milyon nəfərdən artıq (daxilolma səviyyəsi 44,4 faiz) göstərilmişdi, 2009-cu ildə isə bu göstərici 1,48 milyon istifadəçi təşkil edirdi.
İnternet istifadəçilərinin say səviyyəsinə görə Azərbaycan Ermənistanı, Gürcüstanı, Qırğızıstanı, Tacikistanı və Türkmənistanı qabaqlayır. “iWS”-in hesabatına görə, Cənubi Qafqaz və Mərkəzi Asiya ölkələri arasında birincilik Qazaxıstana məxsusdur. Burada istifadəçilərin sayı 5,3 milyon nəfərdir.
Hesabata görə, Asiya ölkələri dünyadakı bütün internet istifadəçilərinin 44 faizini təşkil edir. Aşağıdakı cədvəldə Cənubi Qafqaz və Mərkəzi Asiya ölkələri üzrə göstəricilər təqdim olunub:

Ölkə	İnternet istifadəçiləri (2000-ci il)	İnternet istifadəçiləri (2011-ci il)	Əhalinin sayına nisbətdə istifadəçilərin faizi	Asiya üzrə istifadəçilərin faizi
Azərbaycan	12000	3 689 000	44,1	0,4
Gürcüstan	20000	1 300 000	28,3	0,1
Qazaxıstan	70000	5 300 000	34,1	0,6
Qırğızıstan	51600	2 194 400	39,3	0,2
Tacikistan	2000	700 000	9,2	0,1
Türkmənistan	2000	80 400	1,6	0
Özbəkistan	7500	7 550 000	30,8	0,8
Asiya üzrə cəmi	114 304 000	922 329 554	23,8	100

---