"AppStore" internet mağazasında 3 fırıldaqçı VPN proqram aşkar edilib. "Avast" şirkətinin mütəxəssislərinin məlumatına görə, keyfiyyətsiz işləyən bu ödənişli proqramlar üçün abunənin qiyməti çox yüksəkdir.
"ICTnews" Elektron Xəbər Xidməti "lenta.ru" saytına istinadən yazır ki, bu mobil tətbiqlər arasında "Buckler VPN", "Hat VPN" və "Beetle VPN" var. Quraşdırmadan sonra istifadəçi sözügedən mobil tətbiqlərə 3 günlük ödənişsiz giriş əldə edir. Sınaq müddəti bitdikdən sonra istifadəçinin hesabından həftəlik 10 dollar çıxarılır. Materialda qeyd edilir ki, əslində bu cür abunələrin qiyməti daha ucuzdur.
Mütəxəssislər "iPhone" istifadəçilərinə mobil tətbiqlər üçün abunə qiymətlərinə diqqət yetirməyi və hesablarından nə qədər pulun çıxarıldığını izləməyi tövsiyə ediblər.
Emil Hüseynov