Qaliblər müküfatlandırıldı

Rabitə və İnformasiya Texnologiyaları Nazirliyi və Azərbaycan Respublikası Prezidenti Yanında Kütləvi İnformasiya Vasitələrinə Dövlət Dəstəyi Fondunun (KİVDF) Azərbaycan rabitəsinin yaranmasının 130 illiyi ilə bağlı keçirdiyi birgə müsabiqənin qaliblərinin adları açıqlanıb.

Tədbirdə çıxış edən rabitə və informasiya texnologiyaları nazirinin müavini İltimas Məmmədov Azərbaycan rabitəsinin yaranmasının 130 illiyi ilə bağlı müxtəlif tədbirlər keçirildiyini, ölkə başçısı İlham Əliyev cənabları tərəfindən rabitə işçilərinin müxtəlif medallarla təltif edildiyini bildirdi.

İltimas Məmmədov bildirdi ki, müsabiqənin keçirilməsində məqsəd jurnalistlərin müxtəlif sahələr, o cümlədən rabitə və informasiya texnologiyaları sahəsi haqqında fikirlərini öyrənərək onları ictimailəşdirməkdən ibarət olduğunu dedi.

Rabitəçiləri təbrik edən KİVDF-nin icraçı direktoru Vüqar Səfərli bildirib ki, dekabrın 1-nə qədər 7 istiqamət üzrə 42 yazı təqdim olunub. Hər istiqamət üzrə birinci yer üçün 1000 manat, ikinci yer üçün 800 manat, üçüncü yer üçün 600 manat mükafat yer ayrılıb.

Eyni zamanda hər istiqamət üzrə 300 manat həvəsləndirici mükafat nəzərdə tutulub. Sonra V.Səfərli müsabiqənin göstərilməsi üçün göstərdiyi dəstəyə görə Rabitə və informasiya texnologiyaları naziri Əli Abbasova təşəkkürünü bildirdi. Daha sonra qaliblər mükafatlandırılıb.

---