“Microsoft” oyun bazarını da ələ alıb

“Microsoft” korporasiyası  2011-ci ili oyun konsolları bazarında lider olaraq  başa vurub. “Wedbush”-un analitiki Maykl Patçerin məlumatına əsasən, noyabr ayında 144 milyon “Xbox 360” qurğusu satılıb.

Bu seqmentdə “Microsoft”-un rəqibləri çox geridə qalıblar. Belə ki, “Nintendo Wii” modellərinin satışları 1,05 milyon, “Sony PlayStation 3” satışları 750 min qurğu təşkil edib.

Ümumiyyətlə isə, oyun konsollarının satışları və onlara olan  tələbat artır. Belə ki, noyabr ayında “Xbox” konsolu üçün oyunlara  675 milyon dollar xərclənib. Bu göstərici 1 il əvvəl ilə müqayisədə 12% çoxdur.

---