“İntel” korporasiyası enerji effektiv serverlər üçün “Atom” platforması hazırlayır

Veb-mənbələrin məlumatına görə, “İntel” korporasiyası 2012-ci ildə bazara “Bordenville” kod adlı aparat platforması çıxaracaq.

“Bordenville” platformasının əsasını “Atom Centerton” prosessorları təşkil edəcək. Onlar 32 nanometr texnoloji proses üzrə hazırlanacaq, 2  hesablama nüvəsinə malik olacaq və “Hyper-Threading” çoxaxınlılıq sistemini dəstəkləyəcəklər.

“Centerton” prosessorunun takt tezliyi 1,6 QHz-ə qədər təşkil edəcək; yayılan istilik enerjisinin (TDP) maksimal qiyməti 5-8 Vatt olacaq.“Atom Centerton” prosessorlarının mikroserverlərdə (kiçik enerji istehlaklı serverlər)  tətbiq olunacağı gözlənilir.

---