3 SİM kart dəstəkləyən telefon

3 SİM kart dəstəkləyən telefon istehsal edilib. Aparat 240×320 nöqtə kəskinlikli 2,4 düymlü ekranla, 1,3 meqapiksel matrisli kamera, “Bluetooth” adapteri, yaddaş kartları üçün 2 “MicroSD” slotu və “Mini-USB” konnektoru ilə təchiz edilib.

Yeniliyin xüsusiyyəti gözləmə rejimində 3 SİM-kart dəstəkləməsidir. Telefon GSM 900/1800MHz şəbəkələrində istifadəyə hesablanıb.

İstehsalçı iddia edir ki, akkumulyator batareyası danışıq üçün maksimum 4 saata və ya zəng gözləmə rejimində 200 saata çatar. Aparatın ölçüləri 115×50,6×14 mm, çəkisi 107 qramdır. Telefonun satışına dekabr ayında başlanacaq.

---