Telefon çəkilişi elektronlaşacaq

Bakı Telefon Rabitəsi İstehsalat Birliyi telefon çəkilişi prosesini elektronlaşdırmaq mərhələsindədir. Birlikdən verilən məlumata görə, işlər “e-hökumət” layihəsinin tərkib hissəsi olaraq həyata keçiriləcək.

Söhbət telefon çəkilişi ilə bağlı ərizənin verilməsindən və vətəndaşın mənzilinə telefonun işləməsinə qədər olan prosesin elektron formada həyata keçirilməsindən gedir.

Belə ki, telefon çəkdirmək istəyən vətəndaş BTRİB-in portalına daxil olmaqla yaşadığı ünvan üzrə aidiyyəti qovşağı seçir və ona təqdim olunan elektron ərizəni doldurur və plastik kartla elektron ödəniş aparır.

Bundan sonra montyor gələrək mənzilə telefon çəkir. Qeyd edək ki, bütün bu proseslərin icrası rəhbərliyin tam nəzarətində olacaq.