“WhatsApp”ın tərtibatçıları messencerin funksionallığını genişləndirməyi planlaşdırırlar, daxili formalar vasitəsi ilə məhsul və xidmətləri satın almaq imkanı ona əlavə ediləcək. Şirkət proqramın yenilənmiş imkanlarını nümayiş etdirən reklam çarxı dərc edib.
“ICTnews” Elektron Xəbər Xidməti “4pda.ru” saytına istinadən yazır ki, reklam çarxına əsasən, seçilmiş internet-mağazanın xüsusi çat-botuna yazan istifadəçi birbaşa messencerin pəncərəsində onlayn kataloqa giriş əldə edəcək. Lazımi məhsulu seçən cihazın sahibi yalnız ödənişi etməli və göstərilmiş ünvana çatdırmanı gözləməlidir. Güman ki təqdimat mərhələsində ödəniş sistemi kimi “Facebook Pay” istifadə olunacaq.
Emil Hüseynov