Hindistan hakimiyyəti ölkənin müstəqilliyinə və bütövlüyünə, dövlət təhlükəsizliyinə və ictimai asayişə ziyan vuran 43 mobil tətbiqi bloklayıb. Bu barədə Hindistan hökumətinin Elektron və İnformasiya Texnologiyaları Nazirliyi məlumat verib.
“ICTnews” Elektron Xəbər Xidməti “ria.ru” saytına istinadən yazır ki, qadağan edilmiş proqramlar arasında Çinin “Alibaba Group” – “AliSuppliers”, “AliExpress”, “Alipay Cashier” şirkətlərinə məxsus tətbiqlər, həmçinin biznes proqramları və tanışlıq proqramları yer alıblar.
Qərarın “Daxili İşlər Nazirliyinin kibercinayətkarlıqla mübarizə üzrə koordinasiya mərkəzindən əldə edilmiş hesabatlar" əsasında qəbul edildiyi bildirilir.
Emil Hüseynov