Çinin “BOE” şirkəti hər iki istiqamətdə qatlana bilən displey təqdim edib. Şirkət bir neçə əlavə matris qatına malik xüsusi hazırlanmış konstruksiya sayəsində bu xüsusiyyəti reallaşdırmağa nail olub.
“ICTnews” Elektron Xəbər Xidməti “4pda.ru” saytına istinadən yazır ki, istehsalçının məlumatına görə, yeni nəsil ekranların xidmət dövrü 200 minədək qatlanmaya bərabərdir. Digər brendlərin cari texnoloji hazırlamalarından fərqli olaraq, Çinin “BOE” şirkətinin məhsulu istənilən istiqamətdə qatlana bilir.
Şirkət ilk prototip partiyasını daha dəqiq yoxlamaq üçün onu yaxın gələcəkdə öz tərəfdaşlarına göndərməyi planlaşdırır.
Emil Hüseynov