Kanadalı şəxsiyyət vəsiqəsi əvəzinə “iPad” ilə sərhədi keçib

33 yaşlı kanadalı şəxsiyyət vəsiqəsi olmadan ABŞ sərhədini keçə bilib. BBC-nin məlumatına görə, Monreal sakini Martin Rayş sərhəddə bilib ki, şəxsiyyət vəsiqəsini evdə unudub. O, əvəzində Amerika sərhədçilərinə şəxsiyyət vəsiqəsinin “iPad” planşetindəki surətini göstərib.

O, milad hədiyyələri ilə Vermonta getdiyini bildirib. "Sərhədçi “iPad” planşetini götürdü,  5-6 dəqiqədən sonra qayıdaraq,  mənə xoşbəxt Milad arzuladı" - Martin Rayş bildirib.

---