Gənclər informasiya texnologiyaları ilə bağlı biliklərə yiyələnirlər

Azərbaycan  Tələbə Gənclər Təşkilatları İttifaqının (ATGTİ) nəzdində ötən ilin oktyabrından fəaliyyət göstərən “İnformasiya texnologiyaları evi”ndə gənclərin kompyuter biliklərinin artırılması məqsədi ilə təlimlər keçirilir.

ATGTİ-nin mətbuat katibliyindən verilən məlumata görə, təlimlərdə iştirak edən tələbələrə informasiya texnologiyaları, kompyuterlər haqqında ümumi məlumat verilir, eləcə də Word, Excel proqramlarında, internetdə əməliyyatların aparılması öyrədilir.   Təlim məşğələləri 6 qrup üçün keçilir. Hər qrup həftədə iki dəfə təlimdə iştirak edir.

Son təlimlərdə isə tələbələr sosial şəbəkələrdən istifadə və təhlükəsizliyin qorunması ilə bağlı məlumat alacaqlar.Yanvarın sonunadək davam edəcək təlimlərin yekununda fərqlənənlərə diplom və sertifikatlar veriləcək.
 

---