«İnternet-klublarda şəxsi səhifələrinizi açmayın»

Türkiyənin ən gənc və ən tanınan kompyuter mütəxəssislərindən  biri olan Əmir Avcı insanların internetdə olan özəl məlumatlarını necə qorumalı olması ilə bağlı açıqlama verib.

O bildirib ki, tanımadığınız kompyuterlərdən əmin olmadıqda onün üzərindən hər hansı bir əlaqə qurmayın. Çünki bundan sonra sizin internetdəki səhifələrinizin şifrələrinin başqası tərəfindən ələ keçirilməsi ehtimalı çox böyükdür: «Bu, o deməkdir ki, siz öz əlinizlə hər hansı bir sosial şəbəkənizi, internet poçtunuzu, hesabınızı və ya şifrələrinizi başqasına təslim etmiş olursunuz.

Bu səbəbdən də  qarşısında oturduğunuz kompyuterin normal gücdə olmasına və orada antivirus proqramının mövcudluğuna diqqət yetirmək lazımdır. İnternet-kafelərdən heç bir halda hər hansı bir hesabınızdan alış-veriş etməyin». 
 
 

---