Sərt disk bazarı 2013-cü ildən tez bərpa olunmayacaq

"Hitachi GST" şirkətindən Brendan Kollinz hesab edir ki, Taylandda baş vermiş daşqından sonra sərt disk bazarı 2013-cü ildən tez bərpa olunmayacaq. Onun sözlərinə əsasən, şirkət istehsalı bərpa etmək üçün əlindən gələn hər şeyi edir və 2012-ci ilin fevral ayında buna müvəffəq olacaq.

Lakin komponentlərlə bağlı problemlər ilə əlaqədar tədarük həcmlərini əvvəlki səviyyəyə qaytarmaq tezliklə mümkün olmayacaq.Analitiklərin məlumatına əsasən, 2012-ci ilin birinci rübündə sərt disklərin qiyməti 2011-ci ilin dördüncü rübü ilə müqayisədə 5-15% arta bilər.
 

---