Çində 250 milyon mikrobloqqer var

Çin internet-infrastrukturunun informasiya mərkəzi (CNNIC) ölkədə mikrobloq xidmətlərinin istifadəçilərinin sayının sürətlə artması haqqında məlumat verib.

Çin Xalq Respublikasında (ÇXR) sosialyönümlü ən populyar resurs "Sina" şirkətinin "Weibo" resursu hesab edilir. ÇXR-də istifadəsi qadağan edilmiş "Twitter"in analoqu olan bu resursun abunəçilərinin sayı artmağa davam edir: əgər 2011-ci ilin aprel ayında onun auditoriyası 140 milyon insan təşkil edirdisə, artıq avqust ayında isə 200 milyonu ötüb. Bugünkü gündə "Weibo"- bloqqerlərin sayı demək olar ki, 250 milyona çatıb.

Çinin ən çox ziyarət olunan saytları siyahısında "Weibo" resursu üçüncü yeri (Baidu axtarış sistemi və "QQ.com" ani mesaj mübadilə sistemindən sonra) tutur.

---