"Twitter" rəhbəri etiraz əlaməti olaraq saytları bağlamağı ağılsızlıq hesab edir

Bu gün "Wikipedia" layihəsinin təsisçisi bildirib ki, yanvar ayının 18-də antipiratçılıqla mübarizə üçün nəzərdə tutulmuş "SOPA" qanun layihəsinə qarşı etiraz əlaməti olaraq resursun ingilisdilli versiyası bağlanacaq.

Jurnalistlər isə dərhal digər məşhur internet-şirkət rəhbərlərindən onların da analoji addım atıb-atmayacaqlarını soruşublar.

"Twitter"in rəhbəri Dik Kostolo hesab edir ki, tələbat olan resursları, hətta etiraz əlaməti olaraq bağlamaq ağılsızlıqdır. O vurğulayıb ki, mikrobloqlar xidməti, həmçinin "SOPA" qanun layihəsinə qarşıdır, lakin işləməyə davam edəcək. Dik Kostolo "Google" və "Facebook" kimi şirkətlərin "Wikipedia" kimi addım atacağına inanmır.