Planşetlərə tələbat artır

İlkin hesablamalara əsasən, 2011-ci ildə bütün dünyada 50-60 milyon planşet kompyuteri satılıb.
2010-cu il (17,6 milyon) ilə müqayisədə artım 250%-dən çox təşkil edib.

"Apple" şirkətinin "iPad" mini-kompyuterləri daha populyardırlar: hesablamalara əsasən, keçən il "Apple" şirkətinin planşet bazarındakı payı 70%-i ötüb.

Ekspertlərin proqnozlarına əsasən, 2012-ci ildə bu göstərici 67%-ə qədər, 2015-ci ildə isə 45,6%-ə qədər azalacaq.

"Gartner" analitikləri hesab edirlər ki, cari ildə planşet tədarükləri 100 milyon həddini ötəcək.
Onilliyin ortalarında planşet kompyuterləri bazarının həcmi 330 milyona çata bilər.