Moskvanı da “3D” formatında səyahət etmək olacaq

Az öncə Azərbaycan paytaxtında fəaliyyətə başlayan “www.baku3d.az” saytı Rusiya internet istifadəçiləri üçün nəzərdə tutulan “www.moskva3d.ru” portalını istifadəyə verib.

Layihənin əsas məqsədi Moskvanın park, muzey, məscid, tarixi abidə, restoran, otel, gözəllik salonları, avtosalon, xəstəxana, ticarət və əyləncə mərkəzlərini "3D" formatında birləşdirməkdir.

Saytın unikallığı internet istifadəçilərinə «Google» xəritəsi vasitəsi ilə paytaxtın istənilən rayon və qəsəbəsində yerləşən obyektlərin “3D” formatında panoramasını görmək imkanı yaratmasından ibarətdir.

Hazırda isə Sankt-Peterburq, Kiyev, İstanbul, Dubay və digər şəhərlərin analoji formatda saytlarının yaradılması üzrə işlər aparılır.
 
 
 
 

---