Azərbaycanda əhaliyə göstərilən rabitə xidmətlərinin həcmi 15% artıb

Ötən il Azərbaycanın rabitə və informasiya texnologiyaları sahəsində çalışanlar əhaliyə, müəssisə və təşkilatlara 1,245 mlrd. manatlıq və ya 2010-cu illə müqayisədə 11,8% çox xidmət göstərib.

Dövlət Statistika Komitəsindən verilən məlumata görə, xidmətlərin 72,7%-i bilavasitə əhaliyə göstərilib və 15,4% artıb: «Hazırda əhalinin hər 100 nəfərinə 101 mobil telefonu düşür. Ölkə əhalisinin hər iki nəfərindən biri internetdən istifadə edib. Eyni zamanda, 2011-ci ildə internetdən istifadə tarifləri aşağı salınıb».