“Microsoft” etiraf etdi

"Microsoft" şirkəti keçən ilin dekabr ayında "Xbox 360" oyun konsolunun interfeysini yeniləməsi istifadəçilər tərəfindən müsbət qarşılanmışdı. Lakin bir müddət sonra videoların keyfiyyətinin aşağı səviyyədə olması narazılıq yaratdı.

"Microsoft" bu problemə 1 aydan çox müddətdir ki, reaksiya verməyib. Lakin ötən həftə şirkət video problemini rəsmi olaraq qəbul etdi. "Xbox 360"-ın texniki direktoru  Lari Hrib twitter vasitəsilə verdiyi açıqlamada "xüsusilə rənglər mövzusunda yaşanan çətinliyin fərqindəyik, üzərində işləyirik. Dəqiq tarix deyə bilmərəm, lakin bunun üçün yeni bir sistem həyata keçiriləcək" - deyib.

---