“Twitter” mikrobloqlar xidmətində növbəti rekord qeydə alınıb
"
Lenta.ru" saytının məlumatına əsasən, Amerika futbolu üzrə keçirilmiş Superkubok oyunu zamanı "Twitter" xidmətində tvitlərin (mesajların) saniyə ərzindəki sayına görə mütləq rekord qeydə alınıb - "Agence France-Presse" xəbər verib.
Mikrobloqlar xidmətinin məlumatına görə, son 3 dəqiqə ərzində "Twitter" istifadəçiləri oyunla bağlı saniyədə orta hesabla 10 min tvit dərc ediblər. Fasilə zamanı Madonna çıxış edib və istifadəçilər saniyə ərzində orta hesabla 8 min tvit göndəriblər.
Beləliklə, "Twitter" rəhbərliyi qeyd edib ki, Superkubok oyunu saniyə ərzində dərc edilmiş tvitlərin sayına görə mütləq rekord vurub. Məlumat üçün qeyd edək ki, 2011-ci ilin avqust ayında qeyd edilmiş rekord 8868 tvit təşkil etmişdi.