Mark Sukerberqdən «Facebook» haqqında 10 etiraf

«Facebook»un yaradıcısı xalqa müraciət hazırlayıb. Bu sosial şəbəkə nəhəngi həm internetdə inqilab etmək, həm də sərmayəçilərə gəlir verməyi planlaşdırır. Sukerberqin sərmayəçilərə «Facebook» haqqında yazdığı məktub isə sosial şəbəkə haqqında bəzi əhəmiyyətli həqiqətləri ortaya qoyur. Sukerberqin məktubundan 10 əhəmiyyətli məlumatı oxucularımıza təqdim edirik:

1. «Facebook» sosial bir vəzifəni yerinə yetirmək üçün yaradılıb: Sukerberq «Facebook»un yaradılma məqsədini açıqlayarkən deyib ki, o, bir şirkət olmaq üçün reallaşdırılmayıb: «Yaradılma zərurəti ictimai bir vəzifəni yerinə yetirmək olub. Yəni dünyanı məlum bir yerdən daha azad hala gətirmək idi".

2. «Facebook» mətbəə maşınından təsirləndi: "Biz «Facebook»da insanların məlumatı yayma və istehlak etmə şəklini dəyişdirən texnologiyalardan ilham alırıq. Mətbəə maşını və televiziya kimi icadlar haqqında tez-tez danışırıq".

3. «Facebook» iki adam arasındakı əlaqəyə bağlıdır: "Fərdi əlaqələr, cəmiyyətimizin əsas elementidir. Yeni fikirləri əlaqələr vasitəsi ilə kəşf edir, dünyamızı bu yolla anlayır və uzunmüddətli xoşbəxtliklər təqdim edirik".

4. «Facebook» dünya iqtisadiyyatına töhfələr vermək istəyir: "Orijinal iş sahələri, mütərəqqi məhsullar və xidmətlər təklif edərək iqtisadiyyata yeni töhfələr bəxş edəcəyimizi düşünürük".

5. «Facebook» ölkə rəhbərlərini də birləşdirəcək»:
"İnsanlarla hökumət və ictimai təşkilatlar arasında olan əlaqələri yaxşı istiqamətdə dəyişdirməyə ümid edirik".

6. «Facebook» yalnız daha yaxşı xidmətlər təqdim etmək üçün pul qazanmır: "Fəaliyyətimizi daha çox pul qazanmaq üçün deyil, daha yaxşı xidmətlər göstərmək üçün genişləndiririk".

7. «Facebook» işçilərinə təşəkkür etmək üçün xalqa açılır: "İşçilərimiz və sərmayəçilər üçün xalqa açılırıq".

8. «Facebook» haqqın tərəfindədir:
«Facebook» istəklərin reallaşdırılması üçün demokratiyanın tərəfdarıdır. Hesab edirik ki, sosial şəbəkə olaraq haqq verməyin həm mənfi, həm də müsbət tərəfləri ola bilər.

9. Parçala, amma sürətli irəliləsin:
Sukerberqə görə, bir şeyin necə çalışdığını anlamaq üçün onu hissələrə ayırmaq lazımdır. Bu səbəbdən «Facebook» «əgər heç bir şeyi pozmursunuzsa, deməli, ehtimal ki sürətli irəliləmirsiz» anlayışını izləyir.

10. «Facebook» üçün əhəmiyyətli olan açıq olmaqdır: «Facebook» bəlkə də əlimizdə nə varsa, hamısını paylaşmağımızı istəyir. Daha açıq bir dünyanın daha yaxşı olacağını düşünürük. Çünki daha çox məlumata sahib insanlar daha yaxşı qərarlar verə və təsirli ola bilərlər".