“İpək yolu”nun Azərbaycandan keçən hissəsində müasir poçt və telekommunikasiya şəbəkəsi qurulur

"İpək yolu"nun Azərbaycandan keçən hissəsində müasir poçt şəbəkəsinin yaradılması istiqamətində işlərə start verilib. "Azərpoçt" MMC-dən verilən məlumata görə, burada söhbət Bakı-Qazax istiqamətində yerləşən poçt şöbələrinin daha müasir avadanlıqlarla təchiz edilməklə istifadəçilərə müasir poçt və telefon danışıq xidmətlərinin göstərilməsindən gedir.

Burada poçt şöbə əməkdaşlarının xarici dil bilikləri də önə çəkilir."Azərpoçt"MMC-nin bu xətt üzrə 13 poçt şöbəsi və 4 mübadilə məntəqəsi yerləşir.

Qeyd edək ki, "İpək yolu"nun üzərində Ucar, Yevlax, Goranboy, Şəmkir PF-nin poçt mübadilə məntəqələri yerləşir. Bu mübadilə məntəqələrində adıçəkilən rayonlarla yanaşı ətraf rayonların da poçt mübadiləsi aparılır.