"Aztelekom"İB-nin CDMA abunəçilərinin sayı artıb

"Aztelekom" İB-dən verilən məlumata görə, CDMA simsiz rabitə xidməti abunəçilərinin sayı 20 mini ötüb. Belə ki, keçən ilin eyni dövrü ilə müqayisədə abunəçilərin sayında 1000-dən çox artım müşahidə olunur.

Bakı və Abşeron ərazisində, Gəncə şəhərində, Şəki, Zaqatala və Quba rayonlarında abunəçilərin sayı digər regionlara nisbətən üstünlük təşkil edir.

Xatırladaq ki, "Aztelekom" İB-nin CDMA xidməti Bakı şəhəri və Abşeron rayonu ərazisində "408" indeksi, digər şəhər və rayonlarda isə CDMA "044" şəbəkə kodu tətbiq olunmaqla yeddirəqəmli nömrələnmə planına uyğun olaraq həyata keçirilir.

CAHANGİR