Meksikada təşkil olunan sərgidə yeni istehsal olunan kompyuterlərin müxtəlif modelləri təqdim olunacaq

22-24 fevral tarixlərində Meksikanın Mexiko şəhərində “EXPO COMM MEXICO 2012” sərgi-konfransı keçiriləcək. Tədbir “Centro Banamex” mərkəzində “E.J. Krause & Associates Inc.” və “Reed Exhibitions Companies” şirkətlərinin təşkilatçılığı ilə baş tutacaq. Sərgidə yeni istehsal olunan kompyuterlərin müxtəlif modelləri təqdim olunacaq.

Tədbirdə dünyanın bir neçə ölkəsindən 300-dən artıq şirkət iştirak edəcək. “EXPO COMM MEXICO 2012” sərgi-konfransı İKT bazarında məhsul və xidmətlərin istehlakçıları və təchizatçıları arasında səmərəli və qarşılıqlı fayda verən əməkdaşlıqlar qurmaq baxımından müvafiq imkanlar təqdim edir.