“Amazon” internet şirkəti planşetlərin tədarük həcminə görə ikinci olub

“iSuppli” şirkəti planşet kompyuterləri bazarındakı qüvvələr nisbətini hesablayıb.
Analitiklərin hesablamalarına görə, oktyabrdan dekabr ayına kimi 27,1 milyon planşet satılıb.
“Apple” şirkəti rüb ərzində satılmış 15.4 milyon “iPad” planşeti və 57% bazar payı ilə ən iri planşet istehsalçısı olaraq qalır.

Keçən rüb “iSuppli” şirkətinin hesablamalarına görə, təxminən 3,9 milyon “Kindle Fire” qurğusu tədarük etmiş “Amazon” internet şirkəti ikinci yeri tutub. Onun bazar payı 14% təşkil edib.

“Samsung” şirkəti 2,1 milyon satılmış planşet və 8% bazar payı ilə üçlüyü tamamlayıb.
Dördüncü və beşinci yerləri müvafiq olaraq 1,9 milyon və 612 min qurğu tədarük etmiş “Barnes & Noble” və “ASUS” şirkətləri tutublar. Şirkətlərin bazar payı müvafiq olaraq, 7 və 2% təşkil edib.

EMİL