Rabitə və İnformasiya Texnologiyaları Nazirliyinin elektron xəbər xidməti
“Android” ən təhlükəli mobil əməliyyat sistemidir?!
“Trend Micro” şirkəti mobil əməliyyat sistemlərinin etibarlılığı haqqında hesabat dərc edib. 2,89 xal toplamış Kanadanın “Research in Motion” (RIM) şirkətinin “BlackBerry 7” əməliyyat sistemi mobil əməliyyat sistemlərinin etibarlılığı reytinqində birinci yerdə qərarlaşıb. Sonrakı yerlərdə 1,7 xal ilə “Apple” şirkətinin “iOS” platforması, 1,61 xal ilə “Windows Phone 7.5” əməliyyat sistemi yerləşiblər.
“İCTnews.az” elektron xəbər xidməti “tech.onliner.by” saytına istinadən bildirir ki, “Trend Micro” şirkətinin məlumatına görə, 1.37 xal toplamış “Android 2.3” platforması ən təhlükəli mobil əməliyyat sistemi hesab edilib.
"Sistem ziyanverici proqramlara qarşı acizdir. Bundan əlavə, platforma üçün fraqmentlik tipikdir" - hesabatda qeyd edilib. “Trend Micro” şirkətinin mütəxəssisləri hesab edirlər ki, “Android” mobil əməliyyat sisteminin korporativ seqmentdə populyarlıq qazana bilməməsinin əsas səbəblərindən biri də fraqmentlikdir.
EMİL
14/04/12 Çap et