Rabitə və İnformasiya Texnologiyaları Nazirliyinin elektron xəbər xidməti
“Skype”-ın “Windows Phone” platforması üçün əlavəsi istifadəyə verilib (VİDEO)
"Microsoft" korporasiyası öz "Windows Phone" platforması üçün populyar "Skype" messencerinin final versiyasını istifadəyə verib. Əlavə "Windows Phone" mobil əməliyyat sistemi ilə işləyən bütün smartfonlarda əlçatandır. Qeyd edim ki, əlavə beta-versiya ilə müqayisədə axtarış və yeni kontaktların əlavə edilməsi funksiyası ilə təmin olunub.
"İCTnews.az" elektron xəbər xidməti "tech.onliner.by" resursuna istinadən bildirir ki, "Skype 1.0" əlavəsi vasitəsi ilə yalnız mobil telefonlara deyil, həm də stasionar telefonlara zəng etmək olar.
Əlavəni "Marketplace" onlayn mağazasından yükləmək olar.