Ən populyar əməliyyat sistemi hansıdır

“Windows XP”-nin əməliyyat sistemləri bazarındakı payı tədricən azalır, lakin “Net Applications”-ın məlumatına görə, bu əməliyyat sistemi hələ də fərdi kompyuter (FK) üçün ən məşhur platforma olaraq qalır. Məlumat üçün bildirim ki, “Windows XP” əməliyyat sisteminin payı 2012-ci ilin martında 46,86 faizə bərabər olub. Apreldə isə onun payı bir qədər azalaraq 46,08 faiz təşkil edib.

“İCTnews.az” elektron xəbər xidməti “vesti.ru” saytına istinadən bildirir ki, “Windows 7” əməliyyat sisteminin payı isə 1 ay ərzində 1 faiz artaraq 38,67 faizə bərabər olub.

Analitiklərin fikrincə, “Windows XP” platforması əməliyyat sistemləri bazarında ən azı bir neçə il hökmranlıq edəcək. “Microsoft” korporasiyası bu yaxınlarda elan etdi ki, “Windows XP”, həmçinin “Office 2003” ofis proqramları paketinin dəstəklənməsi 2014-cü ildə dayandırılacaq.

EMİL