“Yahoo”nun yeni baş direktoru “Facebook”la barışa bilər

"Yahoo" internet korporasiyasının baş direktor vəzifəsini  müvəqqəti icra edən Ross Levinson "Facebook" ilə  məhkəmə davasından imtina edə bilər.

 "İCTnews.az" elektron xəbər xidməti "vesti.ru" saytına istinadən  bildirir ki, Ross Levinson 2000-ci ildən 2006-cı ilədək "Fox Interactive Media"nın prezidenti vəzifəsində çalışıb, 2007-ci ilin avqustundan 2010-cu ilin noyabrına kimi isə "Fuse Capital" investisiya fondunun idarəedici direktoru olub.

"Yahoo"nun saytında yerləşdirilmiş məlumata görə, top menecer Amerika universitetində (Vaşinqton, ABŞ) humanitar elmlər üzrə  bakalavr dərəcəsi alıb.48 yaşlı Levinson son 3 il ərzində "Yahoo"nun artıq üçüncü baş direktorudur. O, Skott Tompsonu əvəz edib.



EMİL

---