Poçt mübadiləsində daha bir yenilik

Bu ildən Bakı şəhərində poçt mübadiləsi “Azərpoçt” MMC-nin Poçt Daşıma Mərkəzi (PDM) tərəfindən həyata keçirilir. Bu barədə PDM-dən verilən məlumatda bildirilir. Poçt Daşıma Mərkəzinin Lökbatan qəsəbəsi yaxınlığına köçürülməsi nəzərdə tutulur.  

Bu  tədbir rayonlarla mübadiləni operativləşdirməyə hesablanıb. Eyni zamanda yeniliyin tətbiqi poçtun bütün şöbələrinə daha operativ, itkisiz çatdırılma ilə yanaşı, bir mərkəzdən elektron qeydiyyatının həyata keçirilməsinə şərait yaradacaq.

 Qeyd edək ki, indiyədək Bakının poçt filialları özləri poçt göndərişlərini PDM-dən götürüb tabe poçt şöbələrinə paylayırdılar.





RƏVAN

---