Rabitə və İnformasiya Texnologiyaları Nazirliyinin elektron xəbər xidməti

“Google” qalib gəldi


Kaliforniya ştatında yerləşən federal məhkəmənin çıxartdığı qərara görə, “Google” internet-şirkəti “Oracle” şirkətinin patentlərini pozmayıb.

“İCTnews.az” elektron xəbər xidməti “ria.ru” saytına istinadən bildirir ki, “Oracle” şirkəti 2010-cu ilin avqustunda internet-nəhəngə qarşı qaldırdığı iddiada onu patentlərinin pozulmasında, həmçinin “Android” mobil platformasında “Java” texnologiyasından qanunsuz olaraq istifadədə ittiham edib.

Qeyd edim ki, “Oracle” şirkəti 2009-cu ildə “Sun Microsystems” şirkətini satın almaqla birgə “Java” proqramlaşdırma dilinə müəllif hüquqlarını da əldə edib.

"Bu gün məhkəmə tərəfindən çıxarılmış qərar yalnız “Google” internet-şirkətinin deyil, həm də “Android” platformasının qələbəsidir" – internet-nəhəngin nümayəndəsi bildirib.
 

EMİL





24/05/12    Çap et