“Facebook” Londonda texniki mərkəz açıb

“Facebook” sosial şəbəkəsi çərşənbə axşamı Londonda texniki mərkəzinin açılışı haqqında elan edib. “Facebook” şirkətindən verilən məlumatda bildirilib ki, Britaniyanın paytaxtı şirkətin texniki həlləri üçün ideal yerdir.

"Bu, qlobal mərkəzdir, burada xeyli sayda perspektivli şirkət-startaplar yerləşib. Bizim Londondakı komandamız işə kiçik texniki qrupla başlayacaq, onlar bu və ya digər qapalı layihələrlə məşğul olacaq və əsasən mobil yeniliklər, eləcə də “Facebook” platforması ilə bağlı həllər hazırlayacaqlar, “Facebook”un London şəhərindəki proqram təminatı üzrə mühəndisi Filip Su bildirib.Onun sözlərinə görə, hazırda şirkətin London mərkəzində 22 vakansiya açılıb.

EMİL