Daha bir nadir “Apple I” kompyuteri hərraca çıxarılacaq

Daha bir orijinal “Apple 1” kompyuteri tezliklə satışa çıxarılacaq. Çərşənbə günü “Christie's” hərrac evi bildirib ki, oktyabrda satışa şəxsən Stiv Cobsun orijinal imzası ilə olan “Apple 1” kompyuteri çıxarılacaq.

Qeyd edək ki, “Apple 1” kompyuterləri 1976-cı ilin iyulundan 1977-ci ilin oktyabrına kimi istehsal edilib və hər biri 666 dollar qiymətinə satılıb. “Apple” şirkəti  o zaman təxminən 200 belə kompyuter istehsal etmişdi. Müasir günümüzə həmin kompyuterlərin təxminən 50-si gəlib çatıb.

“ICTnews.az” elektron xəbər xidməti “cybersecurity.ru” saytına istinadən bildirir ki, 2010-cu ildə “Christie's” hərrac evi işlək “Apple I” kompyuterini 210 min dollara satmışdı.





EMİL
 

---