Qubanın bütün kəndləri ilə yanaşı, Xınalıqda da sürətli internet xidməti tətbiq olunacaq. Quba TKQ-nın rəisi Nazim Əliyevin sözlərinə görə, “Aztelekom” İB-nin internetin inkişafı konsepsiyasına uyğun olaraq bu istiqamətdə tədbirlər görülür. “Hazırda 4 kənddə genişzolaqlı internet xidməti var. İlin sonuna kimi Xınalıq kəndi başda olmaqla bütün kəndlər ADSL-ə qoşulacaq” deyə rəis bildirib.