Cəlilabadın bütün ATS-ləri genişzolaqlı internet şəbəkəsi ilə təchiz olunub

Cəlilabad Telekommunikasiya Qovşağının rəisi Zaur Məmmədov bildirib ki, rayonda əhaliyə keyfiyyətli rabitə xidməti göstərmək üçün  31 ATS-in hamısı elektronlaşdırılıb və eyni zamanda, genişzolaqlı  internet şəbəkəsi ilə təchiz olunub. “Son altı ay ərzində 100 kilometr fiber-optik kabel çəkilib.

Bunun nəticəsi olaraq Cəlilabadın ən ucqar kəndlərində belə genişzolaqlı sürətli internet xidmətindən istifadə etmək mümkündür.  İndi  rayonun ən ucqar Şatırlı, Qarakazımlı kəndlərinin sakinləri müasir rabitə xidmətindən  istifadə edir”- deyə Zaur Məmmədov qeyd edib.

Hazırda təkcə rayon mərkəzində 14 internet-klub fəaliyyət göstərir   və bu xidmətdən onminlərlə sakin yararlanır. Ən müasir texnologiyalara əsaslanan mərkəzi ATS abonentlərin tələbatını  iki min  nömrə üstələyir.




RƏVAN

---