“İRƏLİ” İnformasiya Texnologiyaları Mərkəzi bloqla bağlı təlimləri davam etdirir

“İRƏLİ” İctimai Birliyi İnformasiya Texnologiyaları Mərkəzinin “WeBlog-5” layihəsi müddətində iştirakçılara bloqla bağlı ilkin anlayışlar, “WORDPRESS” platformasında qeydiyyat, idarəetmə panelində istifadə qaydaları, məlumatların  necə yerləşdirilməsi haqqında təlimlər keçirilir.

“ICTnews” elektron xəbər xidmətinin mərkəzə istinadən verdiyi məlumata görə, eyni zamanda layihə çərçivəsində bloqlar vasitəsilə pul qazanmağın yolları və necə PR edilməsi mövzusunda təlimlər keçiriləcək.
Qeyd edək ki, təlimlərdə 50 nəfər gənc iştirak edir.

Ümumilikdə təlimlər 6 dərs proqramını əhatə etməklə davamlı olaraq həftədə 2 dəfə “İRƏLİ” Gənclik  Mərkəzində keçirilir.Sonda təlimləri uğurla başa vuran iştirakçılara şəhadətnamə təqdim olunacaq.



 
CAHANGİR

---