“Twitter”in aktiv istifadəçilərinin sayı 200 milyonu ötüb

"Twitter" mikrobloqlar xidmətinin məlumatına əsasən, aktiv aylıq istifadəçilərinin sayı 200 milyonu ötüb. "Siz planetin vuran nəbzisiniz, dəstəyinizə görə sizlərə minnətdarlığımızı bildiririk" – "Twitter"in bəyanatında istifadəçilərin ünvanına qarşı belə qeyd edilib.

Xatırladaq ki, 2011-ci ilin sentyabrında "Twitter" aktiv istifadəçilərinin sayının 100 milyonu, 2012-ci ilin yazında isə 140 milyonu ötməsi haqqında bildirmişdi. "ICTnews.az" elektron xəbər xidməti "cybersecurity.ru" saytına istinadən bildirir ki, hazırda bu şəbəkənin istifadəçiləri 2.5 gün ərzində 1 milyard mesaj dərc edirlər. 

EMİL

---