Ceyms Bond olmaq istəyirsən?

Təqdim edilmiş “Spycam Pen Camera” qələmi vasitəsilə foto, həmçinin video çəkmək və ya səsi yazmaq mümkündür. Qələm 8 Qb daxili sərt diskə malikdir və 720 piksel təsvir ölçüsündə yüksəkkeyfiyyətli video çəkməyə “qadirdir”.

“ICTnews.az” elektron xəbər xidməti “gizmonews.ru” saytına istinadən bildirir ki, qələmə quraşdırılmış akkumulyator 2 saat fasiləsiz çəkiliş üçün nəzərdə tutulub. Tədarük dəstinə “USB” kabel daxildir: onun vasitəsilə məlumatları kompüterə ötürmək mümkündür.

Qələmin qiyməti 40 dollar təşkil edir. “Spycam Pen Camera” cihazı qələmin əsas funksiyası olan yazmağı da bacarır.

Emil Hüseynov

---