“Apple”-ın dizaynını kopyalamaq olmayacaq

ABŞ Patent və ticarət markaları qeydiyyat bürosu “Apple” şirkətinə 14 patent verib. Onların arasında “MacBook Air” konstruksiyasına olan patent də daxildir. Yeni patentin “Apple” şirkətinə onun qurğularının dizaynını kopyalayan şirkətlərlə (məsələn, Asus) daha effektiv mübarizə aparmağa icazə verəcəyi güman edilir. Bundan başqa, “Apple” “DU Apple Remote” pultu və “Battery Charger” yükləmə qurğusu dizaynını patentləşdirib. Digər patentlər qurğuların sinxronlaşdırılmasına, multimedia proqram təminatı və s-ə aiddir. Qeyd edək ki, aprel ayında şirkət “iPhone 4” konstruksiyasını patentləşdirib.


www.cnews.ru

---