İnformatika müəllimləri üçün “Ən yaxşı videodərs” müsabiqəsi başlayır
Ümumtəhsil məktəblərinin müəllimləri üçün Azərbaycan dilində İnformatika dərslikləri əsasında videodərslərin hazırlanmasını nəzərdə tutan müsabiqə başlayır. “ICTnews” elektron xəbər xidmətinə bu barədə “
http://www.informatik.az/” saytının rəhbəri, əməkdar müəllim Naidə İsayeva məlumat verib.
N.İsayeva qeyd edib ki,
“Ən yaxşı videodərs” adlı bu müsabiqənın şərtlərinə görə, I-XI siniflər üzrə İnformatika dərsliklərində olan istənilən bir mövzu seçilməli,
“Camtasia Studio” və ya digər videoredaktorların birində bu dərsin videoizahatı hazırlanmalıdır. Hazırlanmış videofayl “www.youtube.com” saytında yerləşdirilməlidir.
Videodərsin “
www.youtube.com”-dakı linkinin “
informatik-az@mail.ru” elektron ünvanına göndərilməsi tələb olunur.
Hər müəllim müsabiqəyə yalnız bir iş təqdim edə bilər. İşlər Azərbaycan dilində hazırlanmalıdır. Videodərs nümunələri ilə informatika müəllimlərinə metodiki dəstək məqsədilə hazırlanmış
http://www.informatik.az/
saytından tanış olmaq mümkündür.
Bütün işlər ekspertlər tərəfindən qiymətləndiriləcək. Müsabiqəyə işlər sentyabr ayının sonuna kimi qəbul ediləcək. Qaliblər diplom və hədiyyələrlə təltif olunacaq.
HƏQİQƏT