Erik Şmidt 6 milyon dollar həcmində bonus mükafatı alıb

"Google"-un ABŞ-ın Qiymətli Kağızlar və Birjalar üzrə Komissiyasına təqdim etdiyi sənədlərə əsasən, ötən ilin yekununa görə, "Google"-un Direktorlar şurasının sədri Erik Şmidt 6 milyon dollar həcmində bonus mükafatı alıb.

"ICTnews.az" elektron xəbər xidməti "cybersecurity.ru" saytına istinadən bildirir ki, bu bonus mükafatı onun 8 milyard dollar həcmində varidatı ilə müqayisədə dənizdə bir damladır.

Xatırladaq ki, Erik Şmidt 8 il ərzində "Google" şirkətində baş direktor vəzifəsində işləyib. Hazırda bu vəzifəni şirkətin həmtəsisçisi Larri Peyc icra edir.

Emil Hüseynov

---