"Cisco" şirkəti 500 iş yerini ixtisar edəcək

"Cisco" şirkəti 500 iş yerini ixtisar edəcək. "Biz biznesin inkişafı ilə əlaqədar investisiya yatırımı üçün ən qabaqcıl sahələri müəyyənləşdirmək üçün vaxtaşırı biznes-strategiyamızı nəzərdən keçiririk", - şirkətin mətbuat katibi Karen Tillman deyib.

"ICTnews.az" elektron xəbər xidməti "rbc.ru" saytına istinadən bildirir ki, "Cisco" şirkətində ixtisar edilmiş əməkdaşların ümumi sayı 8300-ə çatıb.

Ekspertlər qeyd edir ki, bu, şirkətin istehlak bazarından korporativ proqram təminatı və texnoloji avadanlıq bazarına keçidi ilə bağlıdır. "Cisco Systems" dünyada ən iri şəbəkə avadanlığının istehsalçısıdır. Şirkətin əsası 1984-cü ildə qoyulub. Hazırda şirkətdə 63 min insan işləyir.

Emil Hüseynov

---