Rabitə və İnformasiya Texnologiyaları Nazirliyinin elektron xəbər xidməti

“Springer”-lə elmi nəşrlərdə peşəkarlıq və beynəlxalq standartlara uyğunlaşma məsələləri müzakirə ediləcək


Aprelin 22-də "Springer" nəşriyyatı, Prezident yanında Elmin İnkişaf Fondu və AMEA İnformasiya Texnologiyaları İnstitutunun (İTİ )birgə təşkilatçılığı ilə "Beynəlxalq elmi jurnalların tələbləri" mövzusunda seminar keçiriləcək.

Bu barədə məlumat verən İTİ-dən bildirilib ki, tədbirdə elmi nəşrlərdə peşəkarlıq və beynəlxalq standartlara uyğunlaşma məsələləri – beynəlxalq elmi jurnallarda çap olunan məqalələrə qoyulan tələblər, jurnal seçimi, jurnallarla iş, rəy prosesi və digər məsələlər müzakirə olunacaq.

Seminarda iştirak etmək istəyənlərwww.springer.com/baku" ünvanında qeydiyyatdan keçməlidirlər. Qeydiyyat üçün son tarix aprelin 19-da başa çatıb. İştirak üçün ödəniş tələb olunmur, qeydiyyatdan keçən və seminarda tam iştirak edənlərə sonda sertifikat təqdim olunacaq.

HƏQİQƏT




20/04/13    Çap et