İran yeni pilotsuz təyyarəsini təqdim edib

İran radarlar üçün görünməz pilotsuz uçuş aparatı yaratdığını elan edib. Bu barədə ötən gün İranın "Mehr" agentliyinə istinadən "Agence France-Presse" xəbər verib.

İranın müdafiə naziri Əhməd Vahidinin sözlərinə görə, "Epic" adlanan pilotsuz təyyarə, həmçinin yüksək hündürlükdə uzaq məsafələrə uçuşlar etməyə və düşmən hədəflərini məhv etməyə qadirdir.

Müdafiə naziri "Epic" pilotsuz təyyarəsinin digər texniki xüsusiyyətləri haqqında məlumat verməyib.

Emil Hüseynov

---