“Evimdə kompüter yoxdur, sosial şəbəkələrdən istifadə etmirəm”

Müğənni İzzət Bağırov son vaxtlar şou nümayəndələrinin də marağına səbəb olan "Facebook"dan danışıb. O, Axşam.az saytına açıqlamasında sosial şəbəkədən istifadə etmədiyini deyib:

"İndi kimə baxırsan, əlində iPad gəzdirir. İnsanlarda sosial şəbəkəyə maraq çox artıb. Hətta məscidə ibadətə gələnlər də orada internetə girirlər. Sizə bir etiraf edim: mənim evimdə heç kompüter yoxdur. İnternetdən, ümumiyyətlə, istifadə etmirəm. Bütün xəbərləri televizordan izləyirəm. Heç vaxt kompüterə marağım olmayıb. Evimdə 100-dən çox saatım, eynəyim var, amma kompüterim yoxdur".

İ.Bağırov sosial mediada onun adına aid olan səhifələrdən də danışıb: "Sosila şəbəkədə saxta İzzət Bağırovlar çoxdur. Hamı bilsin ki, o adla yazan mən deyiləm".